Birlashgan Millatlar Tashkilotining Dengizga chiqish imkoni bo‘lmagan rivojlanayotgan mamlakatlar bo‘yicha uchinchi konferensiyasi doirasida O‘zbekiston Respublikasi Prezidenti Shavkat Mirziyoyevning mintaqaviy hamkorlik, transport va logistika sohalaridagi tashabbuslari alohida e’tirofga loyiqdir.

Prezident Mirziyoyev rahbarligida O‘zbekiston so‘nggi yillarda dengizga chiqish imkoni bo‘lmagan davlatlarning infratuzilmaviy cheklovlarini yengib o‘tish, mintaqaviy bog‘liqlikni mustahkamlash hamda savdo yo‘llarini diversifikatsiya qilish borasida faol tashqi siyosat yuritmoqda. Xususan, Trans-Afg‘oniston temir yo‘li loyihasi, "Shimol–Janub" va "Sharq–G‘arb" transport yo‘laklarining rivojiga qo‘shilayotgan hissa, O‘zbekistonning strategik yondashuvi va uzoqni ko‘zlab qilingan siyosiy irodasining yaqqol namunasidir.

Shuningdek, Prezident Mirziyoyevning mintaqada barqarorlikni ta’minlash, xavfsizlikni mustahkamlash va barcha davlatlar uchun teng imkoniyatlar yaratishga qaratilgan sa’y-harakatlari xalqaro hamjamiyat tomonidan yuqori baholanmoqda. Uning ko‘p qirrali diplomatiyasi tufayli O‘zbekiston BMT kabi nufuzli xalqaro tuzilmalarning ishonchli va faol hamkoriga aylanmoqda.

Dengizga chiqish imkoni yo‘q mamlakatlarning iqtisodiy o‘sishiga to‘siq bo‘layotgan muammolarni hal etishda O‘zbekistonning sa’y-harakatlari va amaliy tashabbuslari barcha ishtirokchi davlatlar uchun ilhom manbaiga aylangani, ushbu konferensiyaning asosiy xulosalaridan biri sifatida qayd etiladi.

Prezident Shavkat Mirziyoyev Arqadag‘ va mintaqaning barcha davlatlari rahbarlari Markaziy Osiyoda hamkorlikni ilgari surishga ulkan hissa qo‘shayotganini alohida qayd etdi. Bugun butun xalqaro hamjamiyat mintaqaviy sheriklik va o‘zlikning yangi modelini barpo etishdagi umumiy muvaffaqiyatlarimizni e’tirof etayotgani ta’kidlandi.

Xalq deputatlari Paxtakor tuman kotibiyati mudiri Mamanova Karomat.