Bugun Paxtakor tumanining barcha hududlaridagi umumta’lim va ixtisoslashtirilgan maktablarida “Bilimlar kuni” tadbirlari ko‘tarinki ruhda bo‘lib o‘tdi.

Tumanidagi 9-sonli umumta’lim maktabida tashkil etilgan “Bilimlar kuni” tadbirida Xalq deputatlari Paxtakor tumani kengashi deputati, tuman hokimi Xusan Abduvoxidov hamda N.Sulaymonov ishtirok etdi.

Tadbir davomida viloyat hokimi tomonidan O‘zbekiston Respublikasi Prezidentining yangi o‘quv yili munosabati bilan yo‘llagan tabrigi onlayn tarzda o‘qib eshittirildi.

Tuman hokimi maktab o‘quvchilari, ustozlar hamda tadbir ishtirokchilarini Bilimlar kuni bilan samimiy muborakbod etib, yangi o‘quv yilida barchaga omad va muvaffaqiyat tiladi.

Tadbir yakunida 1-sinfga qadam qo‘ygan jajji o‘quvchilarga “Prezident sovg‘alari” tantanali ravishda topshirildi.