Xalq deputatlari Chinoz tumani Kengashi kotibiyati mudiri Asqar Baxramov tomonidan Xalq qabulxonasi binosida navbatdagi fuqarolar qabuli tashkil etildi.

Qabulda tuman Oila va xotin qizlar bo'limi boshlig'i V.Mansurova, tegishli korxona va tashkilotlar rahbarlari ishtirok etib, aholining murojaatlarini tezkor va samarali ko‘rib chiqish imkoniyati yaratildi.

Fuqarolar asosan uy-joy, bandlik, kadastr, tabiiy gaz, ichimlik suvi ta’minoti, sog‘liqni tiklash hamda oilaviy masalalar yuzasidan murojaat qildi.

Qabul yakunida murojaatlarning aksariyati joyida ijobiy hal etildi, qo‘shimcha o‘rganishni talab etadigan masalalar esa ijro uchun mas’ul tashkilotlarga biriktirildi. Ayrim fuqarolarga huquqiy tushuntirish va amaliy maslahatlar berildi.