Депутатлик назорати амалда: Урганжи, Бешкапа, Тўсар маҳаллаларида ижтимоий хизматлар сифати ўрганилди

Халқ депутатлари Наманган тумани Кенгаши депутати Холиқов Ҳасанбой томонидан Урганжи, Бешкапа, Тўсар маҳалла фуқаролар йиғинида ижтимоий ходим фаолияти ҳамда эҳтиёжманд фуқароларга кўрсатилаётган моддий ёрдамларнинг манзиллилиги ва ўз вақтида етказилаётганлиги юзасидан уйма-уй ўрганиш ишлари амалга оширилди.
Ўрганиш давомида ижтимоий ҳимояга муҳтож оилаларнинг ҳолати, уларга кўрсатилаётган амалий ёрдамлар, белгиланган тартибда ажратилган моддий кўмаклар ҳамда ижтимоий ходимнинг фаолияти жойида таҳлил қилинди.
Аниқланган ҳолатлар юзасидан масъулларга тегишли тавсиялар берилди ҳамда аҳолини ижтимоий қўллаб-қувватлаш тизими самарадорлигини янада ошириш бўйича депутатлик назорати давом эттирилиши таъкидланди.