Xalq deputatlari Ishtixon tuman Kengashi raisi Z.Naxalov hamda Kengash kotibiyati mudiri N.Kiyamov tomonidan Do‘stlik mahallasi hududida aholining ichimlik suvi bilan ta’minlanganlik darajasi o‘rganildi.

O‘rganish jarayonida mavjud suv inshooatining holati, aholi xonadonlariga ichimlik suvi yetkazib berish darajasi hamda xizmat ko‘rsatish sifati atroflicha tahlil qilindi. Ayniqsa, suv ta’minotidagi mavjud muammolar va ularni bartaraf etish imkoniyatlariga alohida e’tibor qaratildi.

Mazkur o‘rganishlar “Narpay tajribasi” asosida olib borilayotgani bilan ahamiyatli bo‘lib, hududlarda ichimlik suvi bilan ta’minlanganlik darajasini aniq baholash, mavjud kamchiliklarni aniqlash hamda xizmat sifatini yanada yaxshilashga xizmat qiladi.

Bu kabi tizimli yondashuvlar aholining kundalik hayot sifatini oshirish, eng muhim ehtiyojlardan biri bo‘lgan ichimlik suvi ta’minotini yanada barqaror yo‘lga qo‘yishda muhim omil bo‘lib xizmat qiladi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)