Xalq deputatlari Ishtixon tumani Kengashi deputati, 4-Azamat saylov okrugi deputati Shaxlo Normamatovna Mardanova tomonidan saylov okrugidagi 92-umumiy o‘rta ta’lim maktabida o‘rganish o‘tkazildi.

O‘rganish davomida umumta’lim maktabi sport zali hamda undagi sport anjomlarining holati ko‘zdan kechirildi.

Jumladan, 92-maktab sport zalining bugungi holati, mavjud sport jihozlari, o‘quvchilarning sport bilan shug‘ullanishi uchun yaratilgan sharoitlar hamda binoning kirish qismi o‘rganildi.

O‘rganish jarayonida sport zalidan muntazam foydalanilayotgan bo‘lsada, ayrim sport anjomlari eskirgani, voleybol to‘ri va boshqa jihozlarni yangilash, zalni joriy ta’mirlash, yoritish tizimi hamda kirish qismidagi zinapoyalarni tartibga keltirish zarurligi qayd etildi.

Shuningdek, maktab sport zali va infratuzilmasini yanada yaxshilash, bolalar uchun xavfsiz va zamonaviy sport muhiti yaratish maqsadida tegishli tashkilotlarga takliflar kiritilishi hamda masala deputat nazoratiga olinishi bildirildi.

🤝 Yoshlarning sport bilan muntazam shug‘ullanishi uchun munosib sharoit yaratish — sog‘lom va barkamol avlodni voyaga yetkazishning muhim omilidir.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)