Xalq deputatlari Ishtixon tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Yig‘ilishda Ishtixon tumani hokimi birinchi o‘rinbosari Q.Nuriddinovning 2026-yil 9-apreldagi 2/2957-son bildirish xati hamda Ishtixon tumani Iqtisodiyot va moliya bo‘limining 2026-yil 7-apreldagi 01-38-356-son xulosasiga muvofiq, tumandagi ayrim maktab va bog‘chalarga PTZ-kameralarini xarid qilish hamda o‘rnatish uchun mablag‘ ajratish masalasi ko‘rib chiqildi.

Mazkur mablag‘lar maktabgacha va maktab ta’limi muassasalarining kirish-chiqish joylari hamda maktablarning ochiq sport maydonchalariga zamonaviy kuzatuv kameralarini o‘rnatishga yo‘naltiriladi.

💰 Ushbu maqsadlar uchun Ishtixon tumani Maktabgacha va maktab ta’limi bo‘limiga 92 mln 368 ming so‘m mablag‘ ajratish taklifi ma’qullandi.

Yig‘ilishda Ishtixon tumani Maktabgacha va maktab ta’limi bo‘limi boshlig‘i v.v.b. Sh.O‘raqov hamda Ishtixon tumani hokimligi Iqtisodiyot va moliya bo‘limi boshlig‘ining birinchi o‘rinbosari A.Shoniyazov ishtirok etib, mazkur mablag‘larning zarurati va kameralar o‘rnatilishi rejalashtirilgan muassasalar bo‘yicha tushuntirish berdilar.

PTZ-kameralari quyidagi muassasalarga o‘rnatilishi rejalashtirilgan:

🏫 11-, 16-, 18-, 26-, 38-, 39-, 47-, 49-, 53-, 54-, 58- va 60-maktablar;

🏡 7-, 8-, 11- va 12-bog‘chalar.

Mazkur tashabbus ta’lim muassasalarida xavfsizlikni kuchaytirish, o‘quvchilar va tarbiyalanuvchilar uchun yanada xavfsiz muhit yaratishga xizmat qiladi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)