Xalq deputatlari Ishtixon tuman Kengashi deputati L.Kuvondikov tomonidan o‘z saylov okrugidagi “Murotobod” MFYda ijtimoiy xodim faoliyati o‘rganildi.

O‘rganish jarayonida mahallada aholining ijtimoiy ehtiyojmand toifalariga ko‘rsatilayotgan xizmatlar sifati, kam ta’minlangan oilalarga ijtimoiy nafaqalar va moddiy yordamlarni tayinlash hamda to‘lash ishlari atroflicha tahlil qilindi.

Aniqlanishicha, ijtimoiy xodim To‘xtameshiva Sadoqat tomonidan joriy yilning 1-choragi davomida ijtimoiy reyestrda ro‘yxatda turgan 55 ta oilaning 15 tasiga “Saxovat va ko‘mak” jamg‘armasi hamda homiylar ko‘magida oziq-ovqat mahsulotlari yetkazib berilgan. Shu bilan birga, mazkur 55 ta oilaning barchasiga bir martalik moddiy yordam mablag‘lari ajratilib, ularning ijtimoiy qo‘llab-quvvatlanishi ta’minlangan.

Bundan tashqari, 1 nafar nogironligi bo‘lgan fuqaro nogironlik aravachasi bilan ta’minlanib, uning kundalik hayotini yengillashtirishga amaliy yordam ko‘rsatilgan.

O‘rganish natijalari shuni ko‘rsatdiki, mahallada ijtimoiy himoya yo‘nalishida tizimli ishlar olib borilmoqda hamda ehtiyojmand oilalarni qo‘llab-quvvatlash bo‘yicha aniq natijalarga erishilmoqda.

Yakuniy xulosaga ko‘ra, ijtimoiy xodim tomonidan amalga oshirilgan ishlar qoniqarli deb baholandi.

📌 Aholining ijtimoiy himoyasini ta’minlash va ehtiyojmand qatlamni qo‘llab-quvvatlash – bugungi kunning eng muhim vazifalaridan biridir.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)