Deputatlar tomonidan Oqbo‘yra mahallasida o‘rganish ishlari olib borildi 

Xalq deputatlari Oltiariq tuman Kengashi deputati Sh. Mahmudov hamda tuman Kengashi kotibiyati bosh mutaxassisi A. Turg‘unov tomonidan Oqbo‘yra mahalla fuqarolar yig‘ini hududida joylashgan ko‘chalar infratuzilmasi holati atroflicha o‘rganildi. O‘rganishlar davomida hudud aholisi bilan bevosita muloqotlar o‘tkazilib, ularning murojaat va takliflari tinglandi. Fuqarolar tomonidan ko‘tarilgan masalalar asosida mavjud muammolar tahlil qilinib, ularni bosqichma-bosqich hal etish yuzasidan tegishli choralar belgilab olindi. Fuqarolarga uzluksiz hamda sifatli elektr energiyasi yetkazib berishni ta’minlash maqsadida Nayman ko‘chasiga yangi transformator o‘rnatish ishlari boshlab yuborilgan bo‘lib, bu hudud aholisining elektr ta’minotidagi muammolarini bartaraf etishda muhim ahamiyat kasb etadi. Bunday o‘rganishlar va amaliy chora-tadbirlar orqali hududlarda ijtimoiy-iqtisodiy barqarorlikni ta’minlash, aholi farovonligini oshirish hamda muammolarni joyida hal etishga alohida e’tibor qaratilmoqda.