Deputat so‘rovi natijasida sog‘liqni saqlash vazirligiga taklif kiritildi 

Xalq deputatlari viloyat Kengashi deputati, Xalq deputatlari Oltiariq tuman Kengashi raisi X.Raximovning Toshobod, Povulgʻon va
Yangichek MFY aholisiga qulaylik yaratish, ular tomonidan kelib tushgan koʻp sonli taklif va murojaatlarni ijobiy hal etish maqsadida hududda yangi tez tibbiy yordam brigadasini tashkil etish yuzasidan chiqargan deputat so'roviga javob olindi. Respublika tez tibbiy yordam Markazi Farg'ona viloyati filiali rahbari R.Mirzorahimov Oltiariq tumani Povulg'on, Yangichek va Toshobod mahallalari aholisi uchun shoshilinch tez tibbiy yordam brigadasini tashkil etish bo'yicha Sog'liqni Saqlash Vazirligiga taklif kiritilganligini bildirdi. Taklif maqullanishi natijasida Oltiariq tumanida aholiga tez tibbiy yordam ko‘rsatish sifati yanada oshadi.