Oltinsoy tumanining “Ovchi” mahallasida joylashgan 58-sonli tibbiyot oilaviy shifokorlik punkti (OShP) binosida qurilish ishlari yakunlanganiga qaramay, uning foydalanishga topshirilmayotganligi yuzasidan deputatlik nazorati o‘rnatildi.

Mazkur holatni o‘rganish maqsadida Xalq deputatlari Oltinsoy tumani Kengashi deputati, tuman Kengashi kotibiyati mudiri M. Xujanov, tuman Kengashi deputati Egamberdiyev Abror Ergashovich hamda kotibiyatning bosh mutaxassislari A. Esanov va I. Roziqovlar obyektga tashrif buyurib, amalga oshirilgan qurilish ishlari bilan yaqindan tanishdilar. 

O‘rganish jarayonida aniqlangan masalalar yuzasidan mazkur tibbiyot muassasasining faoliyatini yo‘lga qo‘yish va tezkor ravishda foydalanishga topshirish choralarini ko‘rish bo‘yicha tegishli tashkilotlarga deputatlik so‘rovnomalari yuborildi. 

Deputat xalq manfaatlari yo‘lida xizmatda! 

✍️Oltinsoy tumani Kengash Kotibiyati Axborot xizmati