Paxtachi tumani Kengashi 25-Qarnabota saylov okrugidan saylangan deputat U.Begmatovning yuborgan deputat so‘roviga Paxtachi tuman sport maktabi direktori J.Rajabovdan javob olindi.

Javob: So‘rovingiz yuzasidan shuni maʼlum qilamizki, “Qarnabota” mahallasida joylashgan Sport maktabining sport majmuasida joylashgan zamonaviy sun’iy chim qoplamali futbol maydonchasi ochiq maydon ekanligi, qishki mavsumda ishga qabul qilingan murabbiy mashg‘ulotlarni davom ettira olmasligi, murabbiyning yil davomida mashg‘ulot o‘tishi uchun qonun doirasida bergilangan talablar mavjudligini bildiramiz. 

“Qarnabota” mahallasida joylashgan sport majmuasida barcha shart-sharоitlarga va sport jihozlariga ega sport zal mavjudligini inobatga olib Sizdan, kurash sport turidan guvohnomaga ega bo‘lgan oliy ma’lumotli mahalliy kadrni mutaxassis-murabbiy tayinlashda tavsiya etishga amaliy yordam berishingizni so‘raymiz.