Xalq deputatlari Oqoltin tumani Kengashi deputati G.Qorayeva tomonidan Shodlik MFY, Nayman qishlog‘ida joylashgan ichki yo‘llarning holati o‘rganildi. O‘rganish jarayonida hududdagi yo‘llarni shag‘allashtirish hamda asfalt qoplamasi bilan ta’minlash zarurligi aniqlandi. 

 Mazkur masala yuzasidan aholi uchun qulay va xavfsiz infratuzilmani yaratish maqsadida tegishli tashkilotlarga deputatlik so‘rovi yuborish belgilab olindi. Shuningdek, yo‘l
infratuzilmasini yaxshilash orqali fuqarolarning kundalik hayotini yengillashtirish, transport qatnovini yaxshilash hamda hududning obodonlashtirish darajasini oshirishga alohida e’tibor qaratildi. 

 Deputat tomonidan mazkur masala nazoratga olinib, uning ijrosi yuzasidan tegishli mutasaddi tashkilotlar bilan hamkorlikda amaliy ishlar olib borilishi ta’kidlandi. 

  Xalq deputatlari Oqoltin tumani Kengashi kotibiyati.