Joriy yilning 15-aprel kuni soat 10:00 da Yoshlar markazida “Xalq deputatlari Kengashlari huzuridagi yoshlar maslahat guruhlari faoliyatini takomillashtirish: ijtimoiy sheriklik, tashabbus va hududlarni rivojlantirishdagi o‘rni” mavzusidagi Forum va “Zakovat” intellektual o‘yini o‘tkazildi. 

Forum doirasida yoshlarning intellektual salohiyatini sinovdan o‘tkazish maqsadida “Zakovat” intellektual o‘yini ham yuqori saviyada tashkil etildi. Mazkur nufuzli tadbirda Xalq deputatlari Urganch shahar Kengashi huzuridagi yoshlar maslahat guruhi o‘zining kreativ g‘oyalari, hududni rivojlantirishga qaratilgan amaliy takliflari va yuksak bilim saviyasi bilan ajralib turdi. 

Xalq deputatlari Urganch shahar Kengashi raisi P.Ro‘ziboyevning ishtiroki va shahar jamosiga bergan tavsiyalari natijasida shahar jamoasi tadbirda munosib ishtirok etib hamda ko‘rsatilgan faollik natijasida, Urganch shahar jamoasi tashkilotchilar tomonidan yuqori baholanib, Faxriy yorliq bilan taqdirlandi. Bu yutuq shahrimiz yoshlarining ijtimoiy-siyosiy jarayonlardagi daxldorligi tobora ortib borayotganidan dalolat beradi.