Mahallada muammolarni o‘rganish va hamkorlikni kuchaytirishga qaratilgan amaliy ishlar

🌐Hududlarni rivojlantirish, aholi muammolarini o‘z vaqtida aniqlash va samarali hal etishda mahalliy Kengash deputatlarining “mahalla yettiligi” bilan hamkorligini yanada mustahkamlash muhim ahamiyat kasb etadi.

🗓️ Shu maqsadda, O‘zbekiston Respublikasi Oliy Majlisi Senati Kengashining 2025 yil 14 yanvardagi KQ-35-V-sonli qarori ijrosi yuzasidan tumandagi “Yoshlik” MFYda o‘rganish ishlari olib borildi.

✍️ O‘rganish jarayonida Xalq deputatlari Kosonsoy tuman Kengashi kotibiyati mudiri D. Valieva ishtirok etib, mahalladagi ijtimoiy-iqtisodiy holat, ichimlik suvi bilan bog‘liq muammolar, aholini qiynayotgan masalalar hamda ularni hal etish mexanizmlari yuzasidan atroflicha fikr almashildi.

✉️ Muloqotlar davomida “mahalla yettiligi” bilan hamkorlikni yanada kuchaytirish, aholi murojaatlariga tezkor va samarali yechim topish bo‘yicha aniq vazifalar belgilab olindi.

✍️Bu kabi o‘rganish ishlari hududlardagi muammolarni joyida hal etish, aholi roziligini ta’minlash va tizimli ishlarni yanada takomillashtirishga xizmat qiladi.