Joriy yilning 16-aprel kuni kuni xalq deputatlari Zarafshon shahar Kengashining mahalliy budjet, tadbirkorlikni
rivojlantirish va iqtisodiy islohatlar masalalari bo‘yicha doimiy komissiyasining navbatdagi yig‘ilishi o‘tkazildi. Yig‘ilishda shaharda faoliyat yuritayotgan 3 ta korxona va tashkilotlarning 2026-yilning I choragi davomida amalga oshirilgan ishlaru yuzasidan hisobotlari eshitildi. Jumladan, shahar iqtisodiyot va moliya bo‘limining “Shahar mahalliy budjetining 2026-yil I choragi ijrosi, mahalliy budjet daromadlarining qo‘shimcha manbalarini shakllantirish hamda qo‘shimcha manbalardan foydalanish yo‘nalishlari, mahalliy budjet daromadlarini oshirishning aniqlangan rezervlari to‘g‘risida” gi, shahar soliq inspeksiyasining “Shahar mahalliy budjet daromadlari 2026-yilning I choragi davomida bajarilishi holati, qo‘shimcha rezervlarni aniqlash bo‘yicha qilingan ishlar, soliqlar va boshqa majburiy to‘lovlar kesimida budjetga hisoblangan va
amalda to‘langanligi, soliq qarzdorligi to‘g‘risida” gi, shahar obodonlashtirish boshqarmasining
“Zarafshonshahar obodonlashtirish boshqarmasi tasarrufidagi ichki yo‘llarni saqlash va joriy ta’mirlash ishlari bo‘yicha 2026-yil uchun manzilli ro‘yhatini tasdiqlash to‘g‘risida” gi hisobotlari eshitildi. Doimiy komissiya a’zolari ushbu sohalarda bajarilishi lozim bo‘lgan masalalar yuzasidan o‘zlarining taklif va mulohazalarini bildirishdi. Xalq deputatlari Zarafshon shahar Kengashining mahalliy budjet, tadbirkorlikni rivojlantirish va
iqtisodiy islohatlar masalalari bo‘yicha doimiy komissiyasi ushbu masalalarni xalq deputatlari shahar Kengashining navbatdagi sessiyasida ko‘rib chiqish yuzasidan xulosalar berishdi.