#sayyor_qabul

Xalq deputatlari Kogon shahar Kengashi deputati D. Arabova tomonidan hududda navbatdagi sayyor qabul tashkil etildi. Mazkur qabulda Kengash kotibiyati mutaxassislari I. Ikromov hamda Z. Temirova ham ishtirok etib, fuqarolar murojaatlarini atroflicha o‘rganishda faol qatnashdi.

Qabul davomida aholi tomonidan uy-joy, bandlik, ijtimoiy nafaqa, kommunal xizmatlar, yo‘l va infratuzilma bilan bog‘liq muammolar ko‘tarildi. Har bir murojaat mas’ul tashkilotlar ishtirokida muhokama qilinib, ularni bartaraf etish yuzasidan aniq choralar belgilandi. Ayrim masalalar joyida hal etildi, qolganlari esa muddat belgilangan holda deputat nazoratiga olindi.

Shuningdek, mutaxassislar tomonidan fuqarolarga huquqiy tushuntirishlar berilib, mavjud imkoniyatlar haqida batafsil ma’lumotlar taqdim etildi. Sayyor qabul ochiq muloqot ruhida o‘tib, aholining muammolarini tizimli hal etish, ularning murojaatlariga tezkor va samarali yechim topishga xizmat qildi.

🌎 Xalq deputatlari Kogon shahar Kengashining ijtimoiy tarmoqlardagi sahifalariga a'zo bo'ling!

Facebook (https://www.facebook.com/profile.php?id=61580100445021) /Youtube (https://youtube.com/@xalqdeputatlarikogonshahar-g8r?si=tTSW0oZuoAxxdcXO) /Telegramm (https://t.me/KogonshaharKengashiVI) /Instagram (https://www.instagram.com/kogonshaharkengashi?utm_source=qr&igsh=NDRrbGprbzRpMmZs)/ Veb sayt (https://kengash.gov.uz/news?region_id=2&authority_id=276)