АҲОЛИ БИЛАН ОЧИҚ МУЛОҚОТ ЎТКАЗИЛДИ

Халқ депутатлари Янгиқўрғон туман Кенгаши депутати Мутавалиев Олимхон Умриллаевич томонидан ўз сайлов округида аҳоли билан учрашув ташкил этилди.

Мазкур учрашувдан кўзланган асосий мақсад – фуқаролар билан очиқ мулоқот ўрнатиш, уларни қийнаётган муаммоларни тинглаш ҳамда ҳудудни ижтимоий-иқтисодий ривожлантиришга қаратилган таклиф ва ташаббусларни ўрганишдан иборат бўлди.

Учрашув давомида аҳоли томонидан коммунал хизматлар, бандлик, йўллар ҳолати, ижтимоий соҳага доир қатор масалалар юзасидан мурожаатлар билдирилди. Ҳар бир мурожаат атрофлича ўрганилиб, уларни ҳал этиш юзасидан аниқ чора-тадбирлар белгилаб олинди.

Шунингдек, депутат томонидан аҳолига амалга оширилаётган ишлар, депутатлик фаолияти доирасида олиб борилаётган назорат-таҳлил ишлари ҳамда келгусидаги режалар ҳақида маълумот берилди.

Учрашув якунида билдирилган мурожаатлар асосида тегишли ташкилотларга депутатлик сўровлари юборилиши ва масалалар ижроси устидан қатъий назорат ўрнатилиши таъкидланди.