Shu maqsadda hududda hokim yordamchilari faoliyati, aholining ijtimoiy-iqtisodiy holatini yaxshilash, bandlikni ta’minlash hamda kambag‘allikni qisqartirishga qaratilgan ishlar holati deputatlik nazorati tartibida o‘rganildi. 

Mazkur o‘rganish tadbiri Xalq deputatlari Oltinsoy tuman Kengashi deputati, tuman Kengashi kotibiyat mudiri M.Xujanov, Xalq deputatlari tumani Kengashi deputati Tavasharov Xamro Ziyaevich hamda kotibiyat bosh mutaxassislari A.Esanov va I.Roziqovlar ishtirokida “Shakarqamish” mahallasida olib borildi. 

O‘rganish davomida hududlarda aholini kambag‘allikdan chiqarish, ularni doimiy daromad manbai bilan ta’minlash, tadbirkorlik faoliyatini qo‘llab-quvvatlash, kasb-hunarga o‘qitish hamda manzilli ijtimoiy yordam ko‘rsatish borasida amalga oshirilayotgan ishlar tahlil qilindi. 

Shuningdek, aniqlangan kamchiliklarni bartaraf etish, ishlar samaradorligini yanada oshirish yuzasidan tegishli mas’ullarga aniq topshiriq va tavsiyalar berildi. Deputatlik nazorati doimiy ravishda davom ettirilib, belgilangan vazifalarning o‘z vaqtida va sifatli bajarilishi ustidan qat’iy monitoring olib borilishi qayd etildi.

✍️ Oltinsoy tumani Kengashi kotibiyati axborot xizmati