Shu munosabat bilan “Shakarqamish” mahallasi hududida amalga oshirilayotgan obodonlashtirish va ko‘kalamzorlashtirish ishlari deputatlik nazorati tartibida o‘rganildi. Mazkur o‘rganish tadbiri Xalq deputatlari tuman Kengashi deputati, tuman Kengashi kotibiyat mudiri M.Xujanov hamda bosh mutaxassislar A.Esanov va I.Roziqovlar ishtirokida olib borildi. 

O‘rganish jarayonida hududda ekilgan daraxt va butalarning parvarishi, sug‘orish tizimining holati, yashil hududlarni kengaytirish bo‘yicha amalga
oshirilayotgan ishlar atroflicha ko‘zdan kechirildi. “Yashil makon” loyihasi doirasida olib borilayotgan tadbirlar nafaqat hududning ekologik holatini
yaxshilash, balki aholi salomatligini mustahkamlash, iqlim o‘zgarishlarining salbiy ta’sirini kamaytirishda muhim omil ekani alohida ta’kidlandi. 

Shuningdek, mas’ul tashkilotlarga ko‘chatlarning to‘liq tutib ketishini ta’minlash, ularni muntazam parvarishlash hamda yashil hududlarni kengaytirish bo‘yicha aniq tavsiyalar berildi. Deputatlik nazorati davom ettirilib, belgilangan vazifalarning o‘z vaqtida va sifatli bajarilishi ustidan qat’iy monitoring olib borilishi qayd etildi. 

✍️Oltinsoy tumani Kengash Kotibiyati Axborot xizmati