Parkent tumanida ta’lim sohasini rivojlantirish, ayniqsa maktabgacha ta’lim tizimini yanada takomillashtirish borasidagi islohotlar izchil davom etmoqda. Ana shunday bunyodkorlik ishlari samarasi o‘laroq tumandagi 420 o‘ringa mo‘ljallangan 8-sonli maktabgacha ta’lim muassasasi tantanali ravishda foydalanishga topshirildi. Mazkur bog‘chaning sifatli qurilib, foydalanishga topshirilganini o‘rganish maqsadida Xalq deputatlari Parkent tuman Kengashiga 11-Qoʻlichi saylov okrugidan saylangan deputat Yoqubov Farxod Maxkamovich “Xo‘ja” mahallasi yettiligi bilan hamkorlikda 8-sonli DMTTda jamoatchilik nazoratini o‘tkazdi. Nazorat-tahlil jarayonida muassasada amalga oshirilgan qurilish va ta’mirlash ishlari atroflicha ko‘zdan kechirildi. Xalq vakili tomonidan qurilish ishlarining sifati, ajratilgan mablag‘larning maqsadli va samarali sarflanishiga alohida e’tibor qaratildi. Shuningdek, aniqlangan ayrim kamchiliklar yuzasidan bog‘cha direktori hamda qurilish tashkiloti vakillari bilan muhokamalar o‘tkazildi va tegishli tavsiyalar berildi. O‘rganish yakunida quruvchilar tomonidan obyektda olib borilayotgan ishlar belgilangan talablar darajasida yakunlanishi ta’kidlandi.