Xalq deputatlari Chilonzor tumani Kengashining 2026-yil 7-apreldagi III-19-28-14-204-K/26-sonli qarori ijrosini ta’minlash maqsadida, 24-Botirma saylov okrugi deputati Tashmuhamedova Muhabbat Baxtiyorovna Zarqo‘rg‘on mahallasida saylovchilarga 2026-yil 1-choragida amalga oshirilgan ishlar yuzasidan axborot berdi.

Hisobot davrida Kengash tomonidan 31 ta qaror qabul qilinib, 7 ta hisobot va 1 ta axborot tinglandi. Shuningdek, 3 ta sessiya hamda 7 ta doimiy komissiya yig‘ilishlari o‘tkazildi. Aholi murojaatlari asosida 20 ta deputatlik so‘rovi yo‘llab, ularning ijrosi ustidan nazorat o‘rnatildi. 

Xususan, hududda olib borilgan ijtimoiy, infratuzilmaviy loyihalar va aholi murojaatlarini hal etish bo‘yicha ko‘rsatilgan natijalar ham taqdim etildi.

Uchrashuvda mahalla hududida faoliyat ko'rsatayotgan boshqaruv kompaniyasi faoliyati ham o'rganildi. Aholining fikr va takliflari e’tiborga olinib, ularni hal etish bo‘yicha tegishli choralar belgilab olindi.