«Соҳил» Янги Ўзбекистон қиёфасидаги маҳаллага айланмоқда
Халқ депутатлари Янгиқўрғон тумани Кенгаши депутати, туман ҳокими Асадулла Нажмиддинов Янги Ўзбекистон қиёфасидаги маҳалла сифатида танлаб олинган «Соҳил» маҳалласида амалга оширилаётган бунёдкорлик ишлари билан танишди.
🔹 Айни пайтда маҳалла еттилиги учун маъмурий бино қуриш, болалар майдончаси ҳамда пиёдалар йўлагини барпо этиш ишлари олиб борилмоқда.
🔹 Ўрганиш давомида маънан эскирган Маданият маркази биноси ўрнида замонавий ва қулай маскан барпо этиш, кичкинтойлар учун боғча ҳамда аҳоли, айниқса, ёшлар ўртасида китобхонликни ривожлантириш мақсадида кутубхона ташкил этиш масалалари муҳокама қилинди.
📌 Депутатлик фаолиятига оид 24 та тавсия доирасида маҳалла инфратузилмасини яхшилаш, ижтимоий объектлар ҳолатини ўрганиш ва аҳоли учун қулай шарт-шароитлар яратиш масалаларига эътибор қаратилди.
Мазкур таклифларни амалга ошириш ва бунёдкорлик ишларини сифатли ташкил этиш юзасидан масъулларга тегишли кўрсатмалар берилди.
🤝 Маҳалла ободлиги ва аҳоли фаровонлиги — депутатлик фаолиятининг муҳим йўналиши!