Xalq deputatlari Chilonzor tumani Kengashi deputati, 5-Charx Kamolon saylov okrugi deputati Mahmudova Donoxon Artikovna tomonidan 3-Charx Kamolon mahallasida aholini kambag‘allikdan chiqarish borasida amalga oshirilayotgan ishlar o‘rganildi.

O‘rganish davomida ehtiyojmand oilalarning ijtimoiy-iqtisodiy ahvolini yaxshilash, ularning bandligini ta’minlash, daromad manbalarini shakllantirish hamda oilalarni kambag‘allikdan chiqarishga qaratilgan chora-tadbirlarning samaradorligiga e’tibor qaratildi.

Shuningdek, aholining muammolarini aniqlash, mavjud imkoniyatlardan samarali foydalanish va fuqarolarning munosib turmush sharoitini yaxshilash borasida amalga oshirilayotgan ishlar ko‘rib chiqildi.

O‘rganish yakunlari bo‘yicha aniqlangan masalalarni hal etish hamda belgilangan vazifalar ijrosini ta’minlash yuzasidan tegishli choralar ko‘rish zarurligi ta’kidlandi.