📌Xalq deputatlari Jizzax shahar Kengashi raisi Musaxon Imomov 15-“Xalqobod” saylov okrugiga qarashli “Oqqo‘rg‘onlik” MFYda istiqomat qiluvchi aholi vakillari bilan sayyor qabul o‘tkazdi. Mazkur tadbir aholining real muammolarini tinglash va ularni joyida tezkor hal etish maqsadida tashkil etildi.

🔸Uchrashuv davomida fuqarolar tomonidan mahalla infratuzilmasini yaxshilash, ichki yo‘llarni taʼmirlash, kommunal xizmatlar sifati hamda ijtimoiy yordam ko‘rsatish kabi bir qator dolzarb masalalar o‘rtaga tashlandi.

🔸Shahar Kengashi raisi M.Imomov har bir murojaat ortida inson taqdiri va farovonligi turganini taʼkidlab, ko‘tarilgan muammolarning aksariyatini joyida hal etdi. Vaqt va qo‘shimcha o‘rganish talab qiladigan masalalar bo‘yicha tegishli tashkilot rahbarlariga aniq muddatli topshiriqlar yuklatilib, ijrosi Kengash nazoratiga olindi.

📲 Bizni kuzatib boring:👇

🌎 kengash.gov.uz 📱 Youtube 📱 Telegram 📱 Facebook