Xalq deputatlari Boyovut tumani Kengashining 2026-yil 1-yarim yillik media-rejasida belgilangan vazifalar ijrosi yuzasidan deputat Z. Alimov tuman IIB JXX HPB bo‘linmasi boshlig‘i bilan uchrashuvi bo‘lib o‘tdi.

Uchrashuv davomida profilaktika inspektorlari faoliyati, hududlarda jinoyatchilik va huquqbuzarliklarning oldini olish, ayniqsa kriminogen vaziyati murakkab bo‘lgan hududlarda olib borilayotgan profilaktik tadbirlar muhokama qilindi.

Shuningdek, tumanda jinoyatchilik darajasi bo‘yicha “sariq” toifadagi 9 ta hamda “qizil” toifadagi 2 ta mahallada amalga oshirilayotgan ishlar, mavjud muammolar va ularni bartaraf etish bo‘yicha ko‘rilishi zarur bo‘lgan choralar yuzasidan fikr almashildi.

Muloqot jarayonida profilaktik tadbirlarni yanada kuchaytirish, fuqarolar bilan manzilli ishlash, yoshlar o‘rtasida huquqbuzarliklarning oldini olish hamda mahallalarda xavfsiz muhitni ta’minlash bo‘yicha tegishli taklif va tavsiyalar bildirildi.