Xalq deputatlari Ishtixon tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi yig‘ilishida “Ilk rivojlantirish markazi” uchun qurilish materiallari xarid qilish va xizmat ko‘rsatish ishlari uchun mablag‘ ajratish masalasi muhokama qilindi.

Yig‘ilishda O‘zbekiston Respublikasi Prezidentining 2025-yil 30-yanvardagi “Aholini ijtimoiy himoya qilish tizimini moliyalashtirish tartib-taomillarini takomillashtirish to‘g‘risida”gi PF-17-son Farmoniga muvofiq, “Infratuzilma va ijtimoiy barqarorlik” jamg‘armasi hisobidan “Ilk rivojlantirish markazi” uchun qurilish materiallari xarid qilish va xizmat ko‘rsatish ishlariga 870 million so‘m mablag‘ ajratish taklifi ko‘rib chiqildi.

Ta’kidlanganidek, mazkur mablag‘ markaz faoliyatini yo‘lga qo‘yish, zarur sharoitlar yaratish hamda aholiga ko‘rsatiladigan xizmatlar sifatini oshirishga xizmat qiladi.

Muhokamalar yakunida ushbu masala yuzasidan tegishli tavsiyalar berildi hamda belgilangan tartibda keyingi bosqichga kiritilishi ma’qullandi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)