Xalq deputatlari Ishtixon tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Xalq deputatlari Ishtixon tumani Kengashi binosida o‘tkazilgan yig‘ilishda tuman Oila va xotin-qizlar bo‘limi hamda mahalla fuqarolar yig‘inlaridagi xotin-qizlar faollariga biriktirilgan xizmat planshetlari uchun 2026-yil yillik abonent to‘lovini moliyalashtirish masalasi muhokama qilindi.

Yig‘ilishda mazkur maqsadlar uchun 21 million 420 ming so‘m mablag‘ ajratish taklifi ko‘rib chiqildi. Ta’kidlanganidek, xizmat planshetlari xotin-qizlar bilan ishlash, murojaatlarni o‘z vaqtida qabul qilish, “Ayollar daftari” va boshqa elektron platformalar bilan ishlashda muhim vosita bo‘lib xizmat qilmoqda.

Muhokamalar yakunida mazkur masala yuzasidan tegishli tavsiyalar berildi hamda belgilangan tartibda keyingi bosqichga kiritilishi ma’qullandi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)