Xalq deputatlari Bekobod shahar kengashi deputati O‘zLiDeP a’zosi N.Uralova va Xalq deputatlari shahar kengashi kotibiyati bosh mutaxassisi U.Abdunazarov bilan birgalikda Bekobod Ixtisoslashtirilgan san’at maktabida sport zallari va ularni jihozlanish holatlari o‘rganildi. Mazkur o‘quv muassasida 253 nafar o‘quvchilar mavjud bo‘lib, jismoniy tarbiya va sport mashg‘ulotlari bilan shug‘ullanishlari uchun sport zali mavjud. Sport jihozlari uchun smeta harajatlaridan 1800,0 ming so‘m mablag‘ ajratilib, yangi jihozlar xarid qilingan. Biroq, bugungi kunda yuvinish xonalarini ta’mirlash ehtiyoji mavjud, basketbol setkasi, futbol, basketbol to‘plariga ehtiyoj bor. Isitish tarmog‘ini ham yangi kuz-qish mavsumiga ta’mirlash lozim. Ushbu yo‘nalishlarda maktab rahbariyati bilan gaplashib, yuqori turuvchi tashkilot orqali smeta xarajatlariga kiritish kelishib olindi hamda nazoratga olindi.