ИШ КУНИ ТАРТИБ ВА ИЖРО ИНТИЗОМИДАН БОШЛАНДИ
Халқ депутатлари Янгиқўрғон туман Кенгаши котибиятида иш куни ходимларнинг ишга ўз вақтида келиши, кунлик вазифаларни тўғри режалаштириш ҳамда ижро интизомини таъминлаш масалалари муҳокамаси билан бошланди.
Бугунги йиғилишда котибият мудири Эргашева Мунисхон Рустамбековна томонидан халқ депутатлари туман Кенгаши қарорларини тегишли ташкилотларга ўз вақтида юбориш ҳамда улар бўйича жавоб хатлари тақдим этилишини назорат қилиш вазифаси бош мутахассис К. Эгамбердиевга топширилди.
📝 Шунингдек, туман Кенгаши депутатлари томонидан ҳудудларда аниқланган муаммолар юзасидан депутатлик сўровларини тайёрлаш ва юбориш вазифаси Б. Ходжаевага, депутатларнинг ҳудудларда давлат дастурлари доирасида амалга ошираётган ишларини мониторинг қилиб бориш вазифаси эса Ш. Алимирзаевга юклатилди.
✅ Йиғилишда ижро интизомини мустаҳкамлаш, вазифаларни аниқ белгилаш ҳамда уларнинг ўз вақтида ва сифатли бажарилишини таъминлаш масалаларига алоҳида эътибор қаратилди.