Xalq deputatlari Termiz shahar Kengashi deputati A.Ashurov hamda kotibiyat bosh mutaxassisi R.Mamashukurov “Alpomish” mahallasida amalga oshirilayotgan yangi loyihalar bilan tanishdilar.

💬 O‘rganishlar davomida quyidagi tadbirkorlik sub’ektlari faoliyati tahlil qilindi:

▶️Tikuvchilik faoliyati:

 Mahalla hokim yordamchisi tashabbusi bilan ajratilgan 50 million so‘m miqdoridagi imtiyozli kredit evaziga yangi tikuvchilik faoliyati yo‘lga qo‘yilgan. Hozirda ushbu maskan mahalla xotin-qizlari uchun ham doimiy daromad manbai, ham yangi ish o‘rni bo‘lib xizmat qilmoqda.

▶️Nonvoyxona faoliyati: Shuningdek, hududda yangidan tashkil etilgan nonvoyxona faoliyati ko‘zdan kechirildi. Ta’kidlash joizki, ushbu tadbirkorlik faoliyati O‘zbekiston Respublikasining “Oilaviy tadbirkorlik to‘g‘risida”gi Qonuni (O‘RQ-327-sonli) talablariga to‘liq mos ravishda tashkil etilgan bo‘lib, oilaviy daromadni oshirishda muhim ahamiyat kasb etmoqda.

💬 Deputatlar hokim yordamchisi tomonidan kreditlarning manzilli yo‘naltirilganligi va natijada aniq ish o‘rinlari yaratilganligini ijobiy baholadilar. Tadbirkorlarga faoliyatini yanada kengaytirish bo‘yicha zarur tavsiyalar berildi.

🫥 Maqsadimiz — har bir mahalla drayverini aniqlash va aholi farovonligini ta’minlash!