Xalq deputatlari Pastdarg‘om tumani Kengashi deputati Sadikova Barchinoy tomonidan 112-ds-487-26-sonli deputatlik so‘rovi tuman sog‘liqni saqlash bo‘limiga yuborildi.

Fuqarolar murojaatlari hamda joyiga chiqib o‘rganishlar natijasida Imom ota mahallasida joylashgan poliklinika binosining holati qoniqarsiz ekani aniqlandi.

📈Muassasa binosi ta’mirtalab bo‘lib, muhandislik kommunikatsiyalari eskirgan, xonalar esa sanitariya-gigiyena talablariga to‘liq javob bermaydi.

Poliklinika moddiy-texnik bazasi yetarli darajada shakllanmagan. Zamonaviy tibbiy uskunalar bilan ta’minlanmaganligi, mavjud jihozlarning aksariyati ma’nan va jismonan eskirgani aholiga sifatli va o‘z vaqtida tibbiy xizmat ko‘rsatishda muammolarni yuzaga keltirmoqda.

Mazkur holat yuzasidan deputat tomonidan mutasaddi tashkilotlardan muammoni bartaraf etish, poliklinika binosini ta’mirlash, zarur jihozlar bilan ta’minlash bo‘yicha aniq choralar ko‘rish so‘raldi.