👥 Xalq deputatlari tuman Kengashi deputati M.Kariyev, Kengash kotibiyati mudiri I.Masharipov hamda kotibiyat xodimi U.Ruzmetov tomonidan tumandagi ekologik holat, xususan, daraxtlarga zarar yetkazayotgan hasharotlar bilan bog‘liq vaziyat joyiga chiqib o‘rganildi.
🌳 O‘rganishlar davomida ayrim hududlarda daraxtlarning barglari va shoxlariga zarar yetkazuvchi hasharotlar ko‘paygani kuzatilib, bu holat atrof-muhit hamda yashil hududlar holatiga salbiy ta’sir ko‘rsatayotgani qayd etildi.
🔍 Mutaxassislar bilan birgalikda mavjud vaziyat tahlil qilinib, zararli hasharotlarning tarqalishini oldini olish hamda daraxtlarni saqlab qolish bo‘yicha zarur choralarni ko‘rish yuzasidan tavsiyalar berildi.
🍃 Shuningdek, hududlarda ekologik barqarorlikni ta’minlash, yashil maydonlarni asrash va sanitariya holatini yaxshilash masalalariga alohida e’tibor qaratildi.
🧼 Mas’ul tashkilotlar bilan hamkorlikda zararli hasharotlarga qarshi dezinfeksiya va profilaktika ishlarini kuchaytirish, daraxtlarni parvarish qilish hamda aholi o‘rtasida ekologik madaniyatni oshirish bo‘yicha ishlar davom ettirilishi belgilandi. 🤝
✅ Atrof-muhitni asrash va ekologik muvozanatni saqlash borasidagi ishlar izchil davom ettirilmoqda.