Xalq deputatlari Bekobod tumani Kengashiga O‘zbekiston Liberal-demokratik demokratik partiyasidan saylangan deputat H.Jumaboyev hamda kotibiyat mudiri Q.Bobojonov “Qo‘rg‘on” mahallasida joylashgan 25-maktabgacha ta’lim tashkiloti uchun barpo etilayotgan yangi bino qurilish jarayoni bilan tanishdi.
Tashrif davomida qurilish ishlarining borishi, sifat ko‘rsatkichlari hamda belgilangan muddatlarda yakunlash bo‘yicha amalga oshirilayotgan ishlar o‘rganildi. Mutasaddilar tomonidan loyiha doirasida yaratilayotgan sharoitlar, bolalar uchun zamonaviy va qulay ta’lim muhitini shakllantirishga alohida e’tibor qaratilayotgani ta’kidlandi.
Mazkur tashabbus kelajak avlod tarbiyasi va sifatli maktabgacha ta’limni rivojlantirish yo‘lida muhim qadam bo‘lib xizmat qiladi.