Sessiyada Xalq deputatlari tuman Kengashi raisi, tuman hokimi va hokim o'rinbosarlari, tashkilot rahbarlari, ekspert va yoshlar maslahat guruhi a'zolari hamda OAV vakillari ishtirok etishdi.

Sessiyada “Xalq nazorati” platformasi orqali kelib tushgan murojaatlarning hal etilishi holatlari, ichimlik suvi, elektr, gaz, yo‘l va kommunal infratuzilma holati, xotin-qizlarni qo‘llab-quvvatlash, investitsiya va tadbirkorlikni rivojlantirish, mahalliy budjet mablag‘larini taqsimlash, “Yoshlar daftari” jamg‘armasi mablag‘lari, sanitariya-epidemiologik holat, chiqindilarni olib chiqish hamda deputat so‘rovlarining ijrosi bilan bog‘liq masalalar ko‘rib chiqildi.

Ko‘rib chiqilgan barcha masalalar yuzasidan tegishli qarorlar qabul qilinib, ularning ijrosini ta’minlash bo‘yicha aniq vazifalar belgilandi.