Xalq deputatlari Pastdarg‘om tuman Kengashining Mahalliy budjet, tadbirkorlikni rivojlantirish va iqtisodiy masalalar doimiy komissiyasi yig‘ilishida Tuman davlat soliq inspeksiyasi rahbarining hisoboti eshitildi.

✅Tuman Soliq inspeksiyasi boshlig‘i N.Razzakov tomonidan:

* mahalliy budjet daromadlarining bajarilishi holati,
* qo‘shimcha rezervlarni aniqlash bo‘yicha amalga oshirilgan ishlar,
* soliqlar va boshqa majburiy to‘lovlar kesimida hisoblangan hamda amalda to‘langan tushumlar,
* soliq qarzdorliklari yuzasidan ko‘rilayotgan chora-tadbirlar haqida batafsil ma’lumot berildi.

📈Muhokamalar davomida budjet tushumlarini oshirish, mavjud rezervlarni safarbar etish hamda soliq qarzdorliklarini kamaytirish bo‘yicha taklif va tavsiyalar bildirildi.

🔹 Yakunda mazkur masala Xalq deputatlari Pastdarg‘om tuman Kengashining navbatdagi sessiyasi kun tartibiga kiritish bo‘yicha qaror qilindi.