Eshonobod hududidagi park holati o‘rganildi

Xalq deputatlari Chinoz tumani Kengashiga O‘zXDP partiyasidan 20-Eshonobod saylov okrugidan saylangan deputat Alimjon Adilbekov Kengash ish rejasiga muvofiq tumandagi Eshonobod hududida joylashgan parkning bugungi holati o‘rganildi. O‘rganish jarayonida park hududining obodonlashtirilishi, mavjud infratuzilma, yashil hududlarning saqlanishi hamda aholining hordiq chiqarishi uchun yaratilgan sharoitlar ko‘zdan kechirildi.

Shuningdek, park hududida tozalikni ta’minlash, ko‘kalamzorlashtirish ishlarini yanada kuchaytirish hamda fuqarolar uchun qulay muhit yaratish masalalariga alohida e’tibor qaratildi. O‘rganish davomida aniqlangan ayrim kamchiliklarni bartaraf etish yuzasidan mas’ul tashkilotlarga tegishli tavsiya va takliflar bildirildi.

Mazkur o‘rganish hududda obodonlashtirish ishlarini yanada rivojlantirish, aholining dam olishi uchun qulay sharoitlarni kengaytirishga xizmat qiladi.