🩺 Xalq deputatlari Angor tumani Kengashi nomidan barcha hamshiralarni bugungi kasb bayrami Xalqaro hamshiralar kuni bilan samimiy muborakbod etamiz! Sizlar inson salomatligi yo‘lida sharafli va mas’uliyatli mehnat qilayotgan, bemorlarga nafaqat tibbiy yordam, balki mehr, e’tibor va umid ulashayotgan fidoyi insonlarsiz. Har bir bemorning dardiga malham bo‘lib, tun-u kun xalq salomatligi uchun xizmat qilayotgan zahmatkash hamshiralar mehnati har qanday e’tirofga munosibdir. Sizlarning mashaqqatli va sharafli faoliyatingiz oldida chuqur minnatdorlik bildiramiz.💐Sizlarga mustahkam sog‘liq, oilaviy baxt-saodat, xonadonlaringizga fayzu baraka, mas’uliyatli va olijanob faoliyatingizda ulkan muvaffaqiyatlar tilaymiz! 🎊 Bayramingiz muborak bo‘lsin! Hurmat bilan, Xalq deputatlari Angor tumani Kengashi nomidan #tabrik