“Xalq deputatlari viloyat, tuman va shahar Kengashi deputatining maqomi to‘g‘risida”gi O‘zbekiston Respublikasi Qonunining 5 va 8-moddalariga muvofiq, xalq deputatlari Zarbdor tuman Kengashidagi Oʻzbekiston Xalq demokratik partiyasi deputatlik guruhi tomonidan tumandagi ko‘p qavatli uylarning saqlanish holati hamda aholi uchun yaratilgan yashash sharoitlari o‘rganilmoqda.
O‘rganishlar davomida Zarbdor tumani “Tinchlik” mahalla fuqarolar yig‘inidagi Yoshlik ko‘chasidagi 255-, Sayxun ko‘chasidagi 249-uylarning tom qismida yomg‘ir va qor suvlarini oqizish tizimi (tarnov va suv tushirish quvurlari) mavjud emasligi aniqlandi.
Mazkur holat yog‘ingarchilik davrida tomdan oqib tushayotgan suvning to‘g‘ridan-to‘g‘ri bino devorlari va poydevor qismiga zarar yetkazishiga,
natijada namlik, yoriqlar va boshqa texnik nosozliklar yuzaga kelishiga sabab bo‘lmoqda. Yuqoridagilarni inobatga olgan holda, “Tinchlik” mahalla fuqarolar yig‘inidagi Yoshlik ko‘chasidagi 255-, Sayxun ko‘chasidagi 249-uylarning tom qismida yomg‘ir va qor suvlarini oqizish tizimini o‘rnatish choralarini ko‘rishda amaliy chora ko‘rishingizni so‘rayman.