Májilis kún tártibinde rayon hákiminiń birinshi orınbasarı A.Bekbergenov rayonda isbilermenlikti rawajlandırıw hám olarǵa ámeliy járdem kórsetiw boyınsha ámelge asırılıp atırǵan jumıslar haqqında esabat berdi. Esabatta Ózbekstan Respublikası Prezidenti hám Húkimeti tárepinen isbilermenlikti qollap-quwatlawǵa qaratılǵan ilájlar, jeńillikler hám shárayatlar haqqında aytıp, rayon kóleminde isbilermenlik subуektlerdiń jıl sayın artıp baratırǵanlıǵı, social-еkonomikalıq kórsetkishlerdiń ósiw pátleri, xalıqtıń jan basına salıstırǵanda ózgeriwi, sociallıq qollap-quwatlawǵa ajıratılǵan qarjılar hámde xalıqtıń real dáramatların asırıw maqsetinde bir qatar jumıslar ámelge asırılǵanlıǵı hám de jaslar isbilermenligin rawajlandırıw baǵdarında islenip atırǵan jumıslar haqqında esabat berdi.

Kún tártibinde keyingi málele boyınsha rayonlıq еlektr támiyinlewshi kárxanası tárepinen ámelge asırılıp atırǵan jumıslar haqqında esabatı tıńlandı.

Májiliste xalıqqa kórsetilip atırǵan xızmetler, avariyalıq jaǵdaylardıń aldın alıw hám xızmettiń sapasın jaqsılaw boyınsha deputatlar tárepinen usınıs hám pikirler bildirildi.

Kún tártibindegi máseleler boyınsha tiyisli sheshimler qabıl etildi.