Xalq deputatlari Tuproqqal’a tuman Kengashi deputati A.J. Bekjanov mahalladagi madaniyat muassasalar va kutubxonalarning moddiy-texnik bazasini o‘rganish maqsadida “Shayxlar” MFY hududidagi 9-son maktab kutubxonasida tuman Kengashi xodimlari hamda mahalla fuqarolar yig‘ini faollari bilan hamkorlikda o‘rganish o‘tkazdi.

Maktab kutubxonasida jami 10 200 dona kitob fondi mavjud bo‘lib, shundan 1 326 donasi badiiy adabiyotdir. Hozirgi kunda kutubxona 425 nafar abonentga xizmat ko‘rsatmoqda.

Kutubxona mudirasi Laylo Bakiyevaning ma’lum qilishicha, abonentlarning ma’lum qismini maktab o‘qituvchilari va o‘quvchilaridan tashqari mahalliy aholi vakillari tashkil etayotgani quvonarli holatdir.

O‘rganish jarayonida maktab jamoasini qiziqtirayotgan masalalar yuzasidan tuman Kengashi deputati A.J. Bekjanov bilan mazmunli va ochiq muloqot bo‘lib o‘tdi.