Davlatimiz rahbari Shavkat Mirziyoyev tomonidan Birlashgan Millatlar Tashkiloti Bosh Assambleyasi minbaridan so‘zlangan nutqi nafaqat mamlakatimiz, balki butun mintaqa taraqqiyoti uchun muhim ahamiyat kasb etdi. Prezidentimiz tomonidan ilgari surilgan taklif va tashabbuslar insoniyat ertangi kunining tinchligi, barqaror taraqqiyoti hamda ekologik muammolarni hal etishda ustuvor yo‘nalishlar sifatida dolzarb ahamiyatga ega.

Xususan, xalqaro hamkorlikni yanada mustahkamlash, yoshlar masalasi, iqlim o‘zgarishi, suv resurslaridan oqilona foydalanish, inson huquqlarini himoya qilish hamda barqaror taraqqiyot maqsadlarini amalga oshirish bo‘yicha bildirilgan tashabbuslar bugungi kunda jahon hamjamiyati uchun eng muhim vazifalardan hisoblanadi.

Deputat sifatida ushbu tashabbuslarni to‘liq qo‘llab-quvvatlayman. Zero, Prezidentimizning nutqida ilgari surilgan fikr va takliflar xalqimiz farovonligini oshirish, yoshlarimiz kelajagi, ona zaminimizning musaffoligi va mintaqamizda barqarorlikni ta’minlashga xizmat qiladi.

Shu bois, har birimiz ushbu ulkan maqsadlarni amalga oshirish yo‘lida faol ishtirok etishimiz, o‘z hissamizni qo‘shishimiz zarur.

Berdiyarova Xusnara Jo‘ramurotovna

Xalq deputatlari Boyovut tuman Kengashi kotibiyati mudiri