Xalq deputatlari viloyat Kengashi deputati N.Soatov hamda Oqoltin tumani Kengashi deputati N.Turdiyev O’zbekiston Respublikasi Prezidentining 2025-yil 6-martdagi Sirdaryo viloyatini yanada rivojlantirish bo’yicha PQ-93-sonli qarori asosida Sanitariya-epidemiologik osoyishtalik va jamoat salomatligi qo‘mitasining Oqoltin tuman bo‘limi binosida olib borilayotgan ta’mirlash ishlari jarayoni bilan tanishdi. O‘rganishlar shuni ko‘rsatdiki, hozirgi kunda qurilish-ta’mirlash ishlari qoniqarli darajada olib borilmayapti. Ish jarayonida talab darajasidagi sifatga e’tibor berilmayotgani hamda jarayonning sustkashlik bilan olib borilayotgani deputat tomonidan alohida ta’kidlandi.