Xalq deputatlari Boyovut tuman Kengashi deputati Shayimova Xalnisa Yakubovna "Paxtakor" mahallasida bo‘lib, bir nechta muhim manzillarda bo‘ldi.

Avvalo, deputat mahallada joylashgan 9-son oilaviy shifokorlik punkti (OSHP) qurilishi bilan yaqindan tanishdi. Qurilish jarayoni, loyihaning amalga oshirilish holati, sifat va muddat masalalari o‘rganildi. Mahalla aholisi uchun muhim bo‘lgan ushbu tibbiyot maskanining tez fursatda foydalanishga topshirilishi bo‘yicha tegishli tavsiyalar berildi.

Shundan so‘ng, 26-maktabgacha ta’lim muassasasiga tashrif buyurilib, ta’lim sifati, tarbiyalanuvchilar uchun yaratilgan shart-sharoitlar, ovqatlanish va sanitariya holatlari o‘rganildi. Tashkilot jamoasi bilan suhbat o‘tkazilib, muammolar va ehtiyojlar tinglandi.

Tashrif davomida deputat fuqaro bilan yuzma-yuz muloqot olib bordi. Murojaatlar, taklif va fikrlar asosida joyida tegishli choralar belgilandi.