Deputatlar arxeologlar faoliyati bilan tanishdilar 

Xalq deputatlari Quva tuman
Kengashi deputatlari tomonidan hududdagi tarixiy merosni o‘rganish ishlariga alohida
e’tibor qaratilmoqda. 

 Shu maqsadda, deputatlar tuman
markazida joylashgan “Shaxriston Qubosi” arxeologiya yodgorligida amalga oshirilayotgan
ishlar bilan tanishdilar. 

Mazkur ob’ektda osmon ostidagi muzeyni tashkil etish bo‘yicha Xitoy Xalq
Respublikasining Lo Yang arxeologik tadqiqot instituti olimlari, Farg‘ona Davlat
Universiteti professorlari va tarix fakulteti talabalari hamkorligida arxeologik
ilmiy tadqiqotlar olib borilmoqda. 

Ta’kidlash joizki, Qubo Shaxristonining shimoliy-g‘arbiy qismida hozirgacha
11 ta qazuv maydonlari ochilib, o‘rganildi. Shu bilan birga, Shaxristonning shimoliy-g‘arbiy
darvozasi joylashuvi aniqlandi va qadimiy davr qatlamlari tadqiq qilinmoqda.  

Tadqiqotlardan ko‘zlangan asosiy maqsad - arxeologiya sohasida hali noma’lum
bo‘lgan artefaktlarni aniqlash orqali milliy tariximizni yanada boyitishdan iborat. 

O‘rganish jarayonida deputatlar xorijlik mutaxassislarga yaratilgan sharoitlar,
olib borilayotgan ilmiy ishlar va qazishmalar natijalari bilan yaqindan tanishdilar.
Uchrashuv davomida topilgan tarixiy artefaktlar hamda tadqiqotlarning ilmiy ahamiyati
xususida atroflicha fikr almashildi