Deputatlar tomonidan Quva tumanidagi
Bo‘ston ko‘chasida amalga oshirilayotgan bunyodkorlik ishlari o‘rganildi

O‘zbekiston Respublikasi Prezidentining
2024-yil 16-dekabrdagi PQ–440-son hamda 2025-yil 1-apreldagi PQ–132-son qarorlari
ijrosini ta’minlash doirasida Quva tumani markazida joylashgan Bo‘ston ko‘chasining
zamonaviy arxitektura qiyofasini shakllantirish, mavjud infratuzilmani yaxshilash
va aholi uchun qulay muhit yaratish maqsadida olib borilayotgan qurilish va obodonlashtirish
ishlari xalq deputatlari Quvatuman Kengashi deputatlari tomonidan o‘rganildi. 

Tashrif davomida deputatlar ko‘chada
barpo etilayotgan yangi inshootlar, mavjud infratuzilma holati hamda qurilish ishlarining
belgilangan muddat va sifat talablariga mos olib borilayotgani bilan yaqindan tanishdilar. 

Muloqot chog‘ida deputatlar mas’ul
tashkilotlarga bunyodkorlik jarayonlarini Prezident qarorlarida ko‘rsatilgan talab
va me’yorlar asosida, shaffof va sifatli tashkil etish zarurligini ta’kidladilar.
Shuningdek, har bir loyiha aholi fikri va ehtiyojlarini inobatga olgan holda amalga
oshirilishi lozimligi alohida qayd etildi. 

Ushbu tashabbuslar Quva tumanida
shaharsozlik qiyofasini tubdan yangilash, aholining yashash sharoitini yaxshilash
va zamonaviy infratuzilmani rivojlantirishga qaratilgan muhim amaliy qadamlar sirasiga
kiradi.