Xalq deputatlari Payariq tumani Kengashi deputati M.Nurmanova tuman hududida joylashgan 83- umumta’lim maktabiga tashrif buyurib, yozgi ta’til davrida pedagogik jamoa vakillari bilan uchrashuv o‘tkazdi. 

Ushbu suhbat do‘stona va ochiq muloqot tarzida bo‘lib o‘tdi. Deputat O‘zbekiston Respublikasi Prezidentining ta’lim sohasidagi islohotlari, o‘qituvchilarning ijtimoiy-maishiy sharoitlarini yaxshilash bo‘yicha amalga oshirilayotgan chora-tadbirlar haqida ma’lumot berdi. 

Uchrashuv davomida o‘qituvchilar yozgi ta’til davridagi malaka oshirish, yangi o‘quv yiliga tayyorgarlik ishlari, o‘quv-uslubiy rejalashtirish, sinf rahbarlari faoliyatini takomillashtirish kabi masalalarda o‘z fikr va takliflarini bildirdilar. Deputat pedagoglarning tashabbuslari va amaliy g‘oyalarini e’tiborga olish, ularni amaliyotga tatbiq etish zarurligini ta’kidladi.