Нөкис районы ҳәкими З.Зайтовтың басламасы менен районда ҳаял-қызлардың социаллық-экономикалық белсендилигин арттырыў, олардың бәнтлигин тәмийинлеў ҳәм исбилерменлик жумысын баслаўда әмелий жәрдем бериў мақсетинде бир қанша илажлар алып барылмақта.

Нөкис районы "Дийқан арна" мәкан пуқаралар жыйыны аймағында түрли себеплерге бола турақлы жумыс орнына ийе болмаған 10 ҳаял-қызға пал ҳәррешилик жумысын жолға қойыў ушын арнаўлы үскенелер салтанатлы түрде тапсырылды.

Илаж даўамында жергиликли жуўапкерлер ҳәм тараў қәнигелериниң қатнасыўында пал ҳәррешилик бағдарындағы имканиятлар, базардағы талап ҳәм усыныс, дәрамат дәреклери және өнимлерди қайта ислеў ҳәм сатыў жоллары ҳаққында кең мағлыўматлар берилди. 

Сондай-ақ, ҳаял-қызларға әмелий мәсләҳәтлер, техникалық көнликпелер ҳәм жумысты баслаў ушын зәрүр болған ҳуқықый ҳәм финанслық жәрдем түрлери ҳаққында түсиниклер өткерилди.