O‘rta Chirchiq tumani
66-umumta’lim maktabida “Faxriylar o‘giti – yoshlarga ibrat” mavzusida “Uch
avlod uchrashuvi” o‘tkazildi.   

Tadbirda “Nuroniylar”
jamg‘armasi tuman bo‘limi a’zosi A. Akramov, Xalq deputatlari tuman Kengashi
deputati Sh. Radjapov, “Buvijonlar maktabi” rahbari va maktab o‘quvchilari
qatnashdilar.   

So‘zga chiqqanlar
yoshlarni diniy oqimlar, jinoyatchilik va internetdagi aldovchi o‘yinlardan
saqlanish, ma’naviyatli, bilimli, vatanparvar bo‘lishga chaqirdilar. Tinchlik
qadriga yetish muhimligi alohida ta’kidlandi.   

Shuningdek, Ekologik
partiya deputati Sh.Radjapov 15-aprel – Ekologik bilimlar kuni munosabati bilan
chiqish qilib, 1992-yilda BMT tomonidan ushbu sana belgilangani va bugungi
kunda ekologik savodxonlikni oshirishga katta e’tibor qaratilayotganligi to‘g‘risida
ma’lumot berdi.