Tuman Kengashi kotibiyati mudiri, tuman “Madad” NNT rahbari hamda tuman Pensiya bo‘limi boshlig‘i ishtirokida fuqarolarni ijtimoiy qo‘llab-quvvatlash masalalariga bag‘ishlangan uchrashuv tashkil etildi.

Tadbir davomida aholiga davlat tomonidan ko‘rsatilayotgan ijtimoiy yordam turlari, pensiya va nafaqa tayinlash tartibi, moddiy yordam olish mezonlari hamda huquqiy himoya masalalari yuzasidan batafsil tushunchalar berildi. Shuningdek, fuqarolarning murojaatlarini o‘z vaqtida ko‘rib chiqish, huquqiy maslahatlar berish va ularni qiynayotgan muammolarni joyida hal etish mexanizmlari haqida ma’lumotlar taqdim etildi.

Tuman “Madad” NNT rahbari tomonidan aholiga bepul yuridik yordam ko‘rsatish, hujjatlarni rasmiylashtirishda ko‘maklashish hamda sud-huquq masalalarida maslahat berish tartibi tushuntirildi. 

✅️Xalq deputatlari O‘rta Chirchiq tuman Kengashi!